طريقة عمل المشبك السورى

المكونات كلها لازم نقيسها بنفس الكوب
كوب سميد ناعم
ربع كوب طحين عادي
ربع كوب طحين فرخة ( سميد بودرة ) وازا مو متوفر الفرخة بحط بدالو ربع كوب سميد خشن .
2 ملعقة طعام زيت نباتي
2 ملعقة طعام حليب بودرة
ملعقة طعام زبدة مذابة
ملعقة طعام سكر
ملعقة طعام لبن
ملعقة طعام خميرة
ملعقة صغيرة بيكنغ باودر
ملعقة صغيرة نشا
ربع ملعقة صغيرة ملح
كوب او كوب وربع ماء دافي
بزبدية بحط كل المكونات مع بعضها ما عدا اللبن والخميرة والبيكنغ باودر والمي .
بفرك السميد مع باقي المكونات بالزيت بفركو بإيدي حتى يصير متل الرمل بعدين بضيف اللبن والخميرة والبيكنغ باودر والمي الدافية بضيفها على دفعات لأن بيختلف السميد من نوع لنوع انا اخد معي كوب وربع مي احيانا بياخد اكتر بشوي او اقل بشوي .
رح يكون الخليط تقيل متل خليط البسبوسة تقريبا بغطيه وبتركو 45 دقيقة يرتاح .
بصب الخليط بكيس حلواني تبع الكريما وبختار راس عريض حتى يطلع المشبك طري من جوا الراس الرفيع بخلي المشبك قاسي .
بحمي الزيت وبشكل المشبك فيه وبضعف النار للوسط حتى يستوي من جوا وبقلبو من الطرفين حتى ياخد لون حلو وبس يصير بحطو على ورق مطبخ دقيقة ليغب الزيت وفورا بسقطو بقطر بارد ( بحرارة المطبخ ) .

شاهد أيضاً

المقادير الكاملة لعمل الجلاش الحلو

تقدم الشيف نجلاء الشرشابي طريقة تحضير جلاش حلو يناسب أول إفطار فى رمضان المبارك المقادير: …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.