ما هي قواعد الشياكة

قواعد الشياكة

1- البسى اللى بيليق: عليكى مش اللى عجبك على غيرك وهو ممكن يبقى وحش عليكى

2-البسى اللى يدارى ديفوهات جسمك مش يظهرها اكتر وانتى اكتر واحدة ادرى بعيوب جسمك

3- متمشيش ورا الموضة من غير تفكير عشان كل موضة ليها جسم وشكل معين بيمشى عليها و مفيش موضة بتمشى مع كل الناس

4- لو انتى محجبة اوعى تلبسى فستان قصير او مفتوح وتحته بنطلون وبدى وعليه الحجاب انتى كدة عاملة زى اللى لابس جاكيت بدلة على جلابية

5- لو جسمك مليان البسى حاجة اوسع شوية من جسمك وابعدى عن اللبس الضيق المحزق

6- موضة البدى الكارينا تحت الفستان او التيشيرت قدمت من زمان

7- موضة الحجاب السبانيش قدمت من زمان

8- لو انتى قلبوظة ابعدى عن الفساتين الضيقة وبالذات السواريه لو عندك بطن وكرش اوعى تلبسى فستان ضيق انتى كدة بتظهريها اكتر والمنظر بيبقى

9- متمشيش على الموضة من غير تفكيييير

10- اللون الاسود مش بيرفع دى خرافة هو بس بيقلل التجسيم شوية واماكن سقوط الظل فمش بيبن التجسيم اد ما هو بيداريها

11- اهتمى بظوافرك ونظافتها

12- انتى جميلة فى اى شكل لانك احسن مخلوق عند الله بس مينفعش تلبسى اى حاجة حتى لو مش لايقة عليكى وتقولى انا حلوة لا انتى معندكيش ذوق ولا فن اختيار الحجات اللى تظهر جمالك

13- العدسات الرخيصة بتبوظ العين اوعى تستخدميها

14 – الروج الاحمر والفوشيا والالوان الفاقعة دى مثيرة لما تحطيها فى الشارع هتحطى اية فى اوضة النوم!

15- انتى من مصر ! يعنى اغلبنا بنسبة كبيرة فيه ملامح افريقية من لون البشرة الخمرى وملامح غير دقيقة فالعدسات الملونة شكلها بيبقى مصطنع ومش طبيعى!

16- حبى لون عينيكى الأصلى وتقبلى نفسك زى مانتى وارضى

17- متمشيش على الموضة من غير تفكيييير

18- الفساتين الضيقة دى اتعملت للاجسام الرفيعة زى باربى مش للمليانين خالص واللى عندهم كرش

19 – لو انتى من القاهرة اوعى تفكرى تلبسى صندل ولا شبشب مفتوح رجلك هتبوظ!

20- متمشيش على الموضة من غير تفكييير

21- اللى بيليق على غيرك مش شررررط يليق عليكى

22- لو بتلبسى جيب او فساتين ضيقة او عباية ضيقة اتاكدى ان خط الاندروير مش باين عشان عيب!

23- العك لما تلبسى فيست او فستان قصير وتحتيه بنطلون وبدى وحجاب ومعصم و100 الف حاجة برة بيلبسوا الفستان لوحده لكن اللى بتعمليه دة عك وميصحش

24- بلاش تسيئ للحجاب لانه رمز دينى احترميه واعرفى شروطه انتى مش اد حمل ذنب الاساءه اليه فاوعى تستهينى ومتقوليش بكرة ربنا يهدينى محدش ضامن عمره

25 – الرجالة بقت عينهم زايغة لان البنات بقت تستعرض نفسها فى كل حتة وتصور رجليها وايديها ومن فوق ومن تحت زمان البنات كانت جواهر متصانة فى البيت والرجالة بتتهوس عليهم فبلاش تكونى سلعة رخيصة اللى تعجبيه ياخدك ولما يلاقى الاحلى يسيبك خلى عندك خصوصية وخلى جسمك سر مش مشاع على الفيس وانستجرام

26 – متقلديش غيرك من غير تفكير انتى ليكى شخصيتك وذوقك

شاهد أيضاً

تخلصي من النمش بطرق منزلية فعاله

يعتبر النمش من أكثر المشاكل الجلدية التى تواجه العديد من السيدات، لأنها تؤثر على الشكل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.