متلازمة هز الرضيع

دخلت مسرعة لقسم الطوارئ تحمل طفلها ذو الـ 5 شهور فاقدا للوعي وهي باكية فصرخت
– حد يحلقني .. ابني هيروح مني
* اهدي اهدي .. خير في ايه ؟
– حضرتك دكتور هنا ؟
* أيوة أنا النبطشي انهارده .. ايه اللي حصل ؟

– ابدا يا دكتور ولله .. كنت بهشتكه عادي زي كل يوم وكان بيضحكلي والوضع عادي
* وبعدين ؟!! .. قالها الطبيب بعدما بدا القلق على وجهه
– وبعدين لقيته بيرجع جامد .. فانا فكرت انه بسبب الرضاعة وكدا وبـ…

فانتفض الطبيب صارخا على التمريض
* جهزولي وحدة الرنين حالا

وبعدما أجرى له أشعة الرنين خرج للأم المفتور قلبها وقال لها
* هو دلوقتي هيطلع العمليات
– عمليات ايه يا دكتور ؟!! هو ابني ماله

* ابنك جاله نزيف في المخ ودا جزء من مرض اسمه متلازمة هز الرضيع “Baby shaking syndrome” ودي بسبب هز الطفل بعنف اكتر من مرة ولازم تدخل جراحي عشان نسيطر على النزيف وبعدها هيتحجز في العناية فترة لحد ما نتطمن عليه
– أنا السبب .. أنا السبب .. ياريتي سيبته يعيط وما هزيتوش .. ياريتني قلتله لأ

لو ابنك او بنتك عمرهم أقل من سنة اوعى تهشتكهم بعنف زي انك ترفعهم لفوق وتمسكهم او بطريقة تانية حتى لو كان دا بيفرحهم ويخليهم يضحكوا لأن دا ممكن يدخلهم في حالة متلازمة هز الرضيع وأعراضها الخطيرة اللي ممكن تؤدي للوفاة .. قول للبيبي لأ

شير المعلومة عشان تحذر الأمهات من الخطر دا ..
أطفالنا أمانة في رقبتنا لازم نحافظ عليها

شاهد أيضاً

سبب اضطرابات النوم عند الاطفال

قالت الرابطة الألمانية لأطباء الأطفال والمراهقين إن صعوبات النوم تهاجم الأطفال المصابين باضطراب نقص الانتباه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.