نصيحة فى اذنك

نصيحه في ودنك
متحلميش كتير براجل عنده مشاعر واهتمام كبير بيكِ .. متحلميش بحاله حب تغرقي فيها وتحسي بيها ..
متحلميش بعد جوازك انك تلاقي راجل يصبح عليكي .. وينام في حضنك .. ويقولك بحبك .. ويتصل بيك من شغله يطمن عليك ..
متحلميش انه يطبطب وقت زعلك ويمسح دموعك .. متحلميش انه يشيل الاولاد عشان ترتاحي وتنامي شويه .. متحلميش انه يخصص يوم لوحدكم وياخدك يفسحك فيه ويلف بيكِ ..
متحلميش انه قايم نايم يحب فيكِ .. متحلميش انه يقعد جنبك يعيط وقت تعبك .. ويسهر معاكِ ويداويكِ
متحلميش ان وقت ازمه تلاقيه في ضهرك ويجري عليكِ ..
متحلميش انه وقت الخناق هيراجع نفسه ويتأسف ويبوس ايديكِ 
 متحلميييييييش

انا مش بحبطك .. لكن بقولك الحقيقه .. طبيعتنا احنا كستات مختلفه تماما عن الرجاله
الست دايما حساسه مشاعرها كبيره وقلبها حنين .. دايما تحب الحب وتحب تعيش فيه وتحب الاهتمام والكلام وكل المشاعر العاطفيه

لكن الرجل طبعه خشن .. مبيعرفش يحب .. تفكيره عملي جاد .. صلب .. جاف .. ولو حتي بيحب بجد مبيعرفش يعبر عن حبه ولا يعرف يوصف مشاعره

طبعا القاعده مش عااامه .. وكل قاعده لها شواذ .. لسه برضو في الدنيا رجاله حنينه ورجاله بتعرف تحتوي وتطبطب وتقدّر .. لكن نادرين ..
الرسول قال ” الخير فيا وفي امتي الي يوم الدين ”
هتلاقيهم لسه بخير ولسه موجودين لكن قليلين

لكن لو قدرك وقعك في راجل مابيعرفش يعامل ست متحلميش ومتتعشميش ..
عيشي الواقع .. واخلقي جواكِ رضا وسعاده ومشاعر وجهيها لنفسك ولاولادك ولشغلك ولعمل خيري واي نشاط تنخرطي فيه .. حولي مشاعرك لطاقه كبيره تفيض عليكِ وعلي اللي حواليكِ

 

شاهد أيضاً

تخلصي من النمش بطرق منزلية فعاله

يعتبر النمش من أكثر المشاكل الجلدية التى تواجه العديد من السيدات، لأنها تؤثر على الشكل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.