طريقة تخزين البطاطين

الشتا قرب يخلص كل سنة وانتي طيبه ..وطبعا لازم نغسل البطاطين بقا ونخزنها ..الموضوع ده مرهق مش كده؟
طب بصي يا ستي تعالي نساعد بعض ونسهل الموضوع حبه..

.اولا ..بنغسل البطاطين بطريقتنا المعتادة في طبق بلاستيك كبير او في البانيو وبنبدأ باننا نحط كيس مسحوق ومعاه ربع كوباية كلوركس الوان ومعلقتين كبار بيكربونات الصودا اللي هي الكربوناتو والاضافات دي مع بعض هتضمنلك ان لابقع ولا روايح هتفضل واللون هيزهزه والبطانيه هتنور كده من غير دعك ولا ترفيص  واملي البانيو او الوعاء تلات ارباعه ميه دافيه مايله للسخونه ومتخافيش مش هتضر البطانيه بالعكس دي هتساعد على ان البطانيه تنضف اسرع وتنزل كل ال فيها.

بعد ما الميه تتعبى والاضافات تدوب كويس.نزلي البطانيه واضغطي بالمساحه او ايد الشرشوبة وبلاش ايدك ورجلك عشان الالتهابات.
.🕰هنسيبها منقوعه من بليل للصبح او العكس مع الضغط عليها كل مدة بالمساحه برضو او ايد الشرشوبه بعد كده بنشطفها كويس ونغير الميه كذا مرة.

.الشطفه الاخيرة مهممممممه جداااا
هتملي البانيو او الوعاء ال فيه البطانيه ميه دافيه..لااااازم ميه دافيه .. وهتحطي نص كوباية داوني او كمفرت ولو مفيش حطي ربه كوبايه بلسم شعر🍶 او شاور چل ومتقلقيش من الرغوة
لو مفيش برضو ضيفي حبة ديتول او زيت عطريوقلبي ودوسي وسيبيها ساعه كمان بعد.كده صفي الميه منها ومتشطفيش تاني

هنسيبها تتصفى على كرسي بلاستيك جوا الحمام وبعدها بننشرها فالشمس يومين او لحد متنشف تماما وتنفش كده وريحته تملا الدنيا وقلبيها عالمنشر مرة فاليوم
بعدها بتاخديها تتطبقيها وتحطي جواها صابونه حمام محطوطة في فردة شراب عشان تحميها من العته والحشرات وتحافظ عالريحه او مكعب مسك بالغلاف وطبقيها وحطيها فالشنطة بتاعتها او لفيها بملايه وفي الدولاب اوفي كيس كبير و تحت السرير وموجود شنط للبطاطين فالمحلات اسعارها رخيصه.

 

شاهد أيضاً

الشعير وعلاقته بعناية الشعر

الشعير واحد من بين الحبوب الهامة والتي تشبه إلى حد كبير القمح والذرة ويعد الشعير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site uses Akismet to reduce spam. Learn how your comment data is processed.